عشق نے عِجز سکھایا ہے وگرنہ میں بھی چڑھتے سورج کا پرستار ہوا کرتا تھا urdu poetry

 عشق نے عِجز سکھایا ہے وگرنہ میں بھی

  چڑھتے سورج کا پرستار ہوا کرتا تھا

جب سے اتری ہے محبت تو بنا ہے باغی

 پہلے دل میرا طرفدار ہوا کرتا تھا

اب بھلے ڈوبا ہوا ہوں میں گناہوں میں مگر

پہلے پہلے میں شرمسار ہوا کرتا تھا

 سرد لہجوں نے سکھایا ہے اکیلے رہنا

اک وقت تھا میں ملنسار ہوا کرتا تھا

اب یہ حالت ہے کہ اپنی بھی خبر کوئی نہیں

   وہ بھی دن تھے تیرا بیمار ہوا کرتا تھا

وقت نے کر دیا بیزار خودی سے ورنہ

پہلے لوگوں سے میں بیزار ہوا کرتا تھا۔۔